नेपालमा पछिल्लो २४ घण्टामा ५ हजार ८ जनामा संक्रमण देखियो, संक्रमितको कुल संख्या १ लाख ५ हजार नाघ्यो

नेपालमा अहिलेसम्मकै सबैभन्दा धेरै कोरोना भाइरसका संक्रमित फेला परेका छन् । पछिल्लो २४ घण्टामा १९ हजार ३ सय २० जनामा गरिएको परीक्षणबाट ५ हजार ८ जनामा संक्रमण देखिएको हो । यो अहिलेसम्मकै गरिएको सबैभन्दा धेरै परीक्षणबाट फेला परेका संक्रमितको सबैभन्दा बढी उच्च संख्या पनि हो । आजसम्मको तथ्यांक अनुसार संक्रमित हुनेको संख्या १ लाख ५ हजार ६ सय ८४ पुगेको हो । स्वास्थ्य तथा जनसंख्या मन्त्रालयमा आयोजित नियमित पत्रकार सम्मेलनमा दिइएको जानकारी अनुसार प्रदेश १ को इलाममा ४ जना, उदयपुरमा ६ जना, ओखलढुंगामा ५ जना, खोटाङमा ३ जना, झापामा ४८ जना, ताप्लेजुङमा १ जना, तेह्रथुममा १ जना, धनकुटामा ११ जना, भोजपुरमा ३ जना, मोरङमा ३६९ जना, संखुवासभामा ९ जना र सुनसरीमा ३ सय ९४ जनामा जनामा संक्रमण देखिएको छ ।

यस्तै, प्रदेश २ को धनुषामा ११ जना, पर्सामा ३६ जना, बारामा १० जना, महोत्तरीमा ११ जना, रौतहटमा १७ जना, सप्तरीमा ६ जना, सर्लाहीमा १९ जना र सिरहामा १८ जनामा भाइरस पुष्टि भएको छ । यता, वागमती प्रदेशको काठमाडौंमा २ हजार १ सय जना, काभ्रेमा ३५ जना, चितवनमा १ सय ४७ जना, दोलखामा ८ जना, धादिङमा ३८ जना, नुवाकोटमा ४० जना, मकवानपुरमा ५४ जना, रामेछापमा ५ जना, भक्तपुरमा २ सय ३ जना, ललितपुरमा ३ सय ६९ जना, सिन्धुलीमा ४८ जना र सिन्धुपाल्चोकमा ६ जनामा संक्रमण देखिएको छ । यस्तै, गण्डकी प्रदेशको कास्कीमा ५१ जना, तनँहुमा ५५ जना, गोरखामा २५ जना, नवलपरासी पूर्वमा ३६ जना, लमजुङमा २ जना, वागलुङमा १२ जना र स्याङजामा ७ जनामा संक्रमण देखिएको छ ।

यता, लुम्बिनी प्रदेशको अर्घाखाँचीमा १५ जना, कपिलवस्तुमा १० जना, गुल्मीमा ७ जना, दाङमा ९३ जना, पाल्पामा ३७ जना, प्युठानमा ४२ जना, बर्दियामा ६ जना, बाँकेमा ४५ जना, रुपन्देहीमा २ सय १५ जना र रोल्पामा ५ जनामा संक्रमण देखिएको छ । यता, कर्णाली प्रदेशको कालिकोटमा १ जना, जुम्लामा ८ जना, दैलेखमा १० जना, रुकुम पश्चिममा ११ जना, सल्यानमा १२ जना र सुर्खेतमा १ सय ३४ जनामा संक्रमण पुष्टि भएको छ । यस्तै, सुदूरपश्चिम प्रदेशको अछाममा ६ जना, कञ्चनपुरमा १८ जना, कैलालीमा ३५ जना, डडेल्धुरामा र डोटीमा ४÷४ जना, दार्चुलामा ३ जना, बझाङ १० र बैतडीमा ८ जनामा संक्रमण देखिएको छ ।

नेपाल डेली पोस्ट

नेपाल डेली पोस्ट डट कम वेवसाइट एन टि बि मिडिया को आधिकारिक न्यूज पोर्टल हो। नेपाली भाषाको यो वेवसाइटले समाचार, मनोरञ्जन, अर्थ, खेलकुद, विश्व, बिज्ञान, प्रविधि, स्वास्थ्य, प्रवास, भिडियो तथा बिबिध समाचार समेट्ने गर्दछ।

Leave a Reply

Your email address will not be published. Required fields are marked *