नगरकोटमा प्रहरी र स्थानीयबीच ढुङ्गा हानाहान, सञ्चारकर्मीमाथि अभद्र व्यवहार

चाँगुनारायण नगरपालिका वडा न. ६ नगरकोट वडा कार्यालय नजिक रहेको खानेपानी कार्यालयमा आज प्रहरी र स्थानीयबिच झडप भएको छ ।

चीनको वुहानमा रहेका नेपालीको उद्धार गरेर सरकार ल्याउन लागेको र उनीहरुलाई लिन जाने नेपाल वायुसेवा निगमको विमानका चालक, सहचालक र परिचारिकालाई १४ दिनसम्म नगरकोटको खानेपानीमा बनाएको क्वारेन्टाइन राख्न लागेको बिरोधमा स्थानीयबासीले बिरोध गर्दै आज गरेको आन्दोलनमा प्रहरीसंग झडप भएको हो ।

खानेपानीको कार्यालयमा बनाएको क्वारेन्टाइनमा राख्न लागेको भन्दै त्यसको बिरोधमा नाराजुलुस गरि खानेपानी कार्यालयमा अवरोध गर्दै सडक बन्द गराई टायर बालेर विरोध गरेपछि झडप भएको वडा नं. ६ का वडा अध्यक्ष सन्तबहादुर तामाङ्गले बताउनुभयो ।

प्रहरीले उनीहरुलाई रोके पछि आक्रोसित भएका स्थानीयले सडक बन्द गराई बिरोध गरेपछि प्रहरीले रोक्न बल प्रयोग गर्दा झडप भएको र ढुङ्गा हानाहान भएको उहाले बताउनुभयो ।

प्रधानमन्त्री कार्यालयका सचिव नारायणप्रसाद बिडारी नेतृत्वको टोली नगरकोट पुग्दा बिरोध भईरहेको थियो । स्थानीयले एक सातादेखि बिरोध गर्दै आएको र आज पनि दिनभरी नै बिरोध गरेको नगरकोटका विष्णु तामाङ्गले बताउनु भयो । यो खबर आजको नेपाल समाचारपत्रले छापेको छ ।

नेपाल डेली पोस्ट

नेपाल डेली पोस्ट डट कम वेवसाइट एन टि बि मिडिया को आधिकारिक न्यूज पोर्टल हो। नेपाली भाषाको यो वेवसाइटले समाचार, मनोरञ्जन, अर्थ, खेलकुद, विश्व, बिज्ञान, प्रविधि, स्वास्थ्य, प्रवास, भिडियो तथा बिबिध समाचार समेट्ने गर्दछ।

Leave a Reply

Your email address will not be published. Required fields are marked *