बझाङमा हिमपातका कारण ५ करोड बराबरको क्षती, दुईको ज्यान गयो, एघार सय पशु चौपाया मरे

पुषको अन्तिम सातादेखि सुरु भएका हिमपातका कारण बझाङमा ठूलो धनजनको क्षती भएको छ ।

चार पटकसम्म लगातार परेको हिमपातका कारण सुर्मा गाँउपालिकामा २ को ज्यान गएको छ । त्यस्तै सुर्मा र साइपाल गाँउपालिकामा करीब एघार सय पशु चौपाया मरेका छन् ।

हिमपातका कारण सबै भन्दा बढी साइपाल गाँउपालिकामा क्षती भएको छ । साइपाल गाँउपालिकामा एक हजार ७ सय भन्दा बढी भेडा÷च्याङ्ग्रा मरेका साइपाल गाँउपालिकाका अध्यक्ष राजेन्द्र बहादुर धामीले बताउनुभयो । त्यहाँका करीब तीन सय घर–परिवारले भेडा च्याङ्गा पाल्दै आएका छन् ।

अध्यक्ष धामीका अनुसार बाक्लो हिमपातका कारण करीब एक करोड तीन लाख रुपैयाँ बराबरका भेडा÷च्याङ्राहरु मरेका हुन् । साथै गाँउपालिकाको विवरण अनुसार ६ लाख ५० हजार रुपैयाँ बराबरका विभिन्न जातका फलफूलका बोटहरुमा क्षती पुगेको छ ।

पूरै गाँउपालिकामा एक करोड ९ लाख ५० हजार मूल्य बराबरको नोक्सान भएको अध्यक्ष धामको भनाइ छ ।

यसै क्रममा जिल्लाको तल्कोट गाँउपालिकामा २२ लाख ५० हजार मूल्य बराबरको नोक्सान भएको गाँउपालिका अध्यक्ष लाल बहादुर विष्टले जानकारी दिनुभयो । हिमपातका कारण दाँतोली गाड लघुजल विद्युत आयोजना र मल्लो सुगाड लघु जलविद्युत योजनाका पोलहरु ढलेर १५ लाख बराबरको क्षती भएको छ ।

अहिले विद्युत सेवा पूर्ण रुपमा अवरुद्ध भएको उहाँले बताउनुभयो । गाँउपालिकाले वितरण गरेका ३० भन्दा बढी टनेल हाउसहरुमा पूर्ण रुपमा क्षती पुगेको छ । जसबाट ७ लाख ५० हजार बराबरको क्षती भएको उहाँले जानकारी दिनुभयो ।

यता खप्तड छान्ना गाँउपलिकामा पनि एक करोड २ लाख ३५ हजार मुल्य बराबरको नोक्सान गरेको छ । एकै पटक बाक्लो हिमपात भएकै कारण गाँउपालिकाबाट वितरण गरिएका २ सय ८ वटा भन्दा बढी टनेल हाउस भत्किएका छन् । साथै विभिन्न ठाँउमा विद्युतका पोलहरु भाँचिएका छन् ।

गाँउपालिकाले वितरण गरेका दाँते ओखर, कागती, केराका बोटलगायतका फलफूहरु पूर्ण रुपमा नष्ट भएको गाँउपालिकाका अध्यक्ष वर्क बहादुर रोकायाले बताउनुभयो । अधिकांश फलफूलका बोटहरु काम नलाग्ने गरेर भाँचिएका छन् । आफू समेत किसान भएको बताउदै उनले आफ्नो मात्रै करीब २५–३० लाख बराबरको नोक्सान भएको बताउनुभयो ।

जिल्लाको जयपृथ्वी नगरपालिकामा भने हिमपातका कारण केही कम क्षती भएको छ । विभिन्न प्रजातीका कागती, अमिलोलगाएतका फलफूहरु र टनेलहरु गरी करीब ५ लाख मूल्य बराबरको क्षती भएको जयपृथ्वी नगरपालिकाका कृषि संयोजक राम बहादुर खड्काले बताउनुभयो ।

यता मष्टा गाँउँपालिका, थलारा गाँउपालिका, केदार स्यँु गाँउपालिका, बुंगल नगरपालिका, छविसपाथिभेरा गाँउपालिका, विथ्थडचिर गाँउपालिकामा पनि लखौं मूल्य बराबरको क्षती भएको बताइएको छ ।

नेपाल डेली पोस्ट

नेपाल डेली पोस्ट डट कम वेवसाइट एन टि बि मिडिया को आधिकारिक न्यूज पोर्टल हो। नेपाली भाषाको यो वेवसाइटले समाचार, मनोरञ्जन, अर्थ, खेलकुद, विश्व, बिज्ञान, प्रविधि, स्वास्थ्य, प्रवास, भिडियो तथा बिबिध समाचार समेट्ने गर्दछ।

Leave a Reply

Your email address will not be published. Required fields are marked *