पनौती नगरपालिकाले दियो किसानलाई पाडी

भैंसी संरक्षण र सम्वद्र्धन अभियानमा लागेको पनौती नगरपालिका पाडी वितरण सुरु गरेको छ । नगरले पनौती नगरपालिका वडा न १ बाट किसानलाई पाडी वितरण सुरु गरेको हो ।

बिहीबार एक कार्यक्रमका बीच प्रदेश न ३ का सांसद बसुन्धरा हुमागाईले २३ पशुपालक कृषकलाई मुर्रा जातका पाडी वितरण गर्नुभयो । पशुपालक कृषकले गोला मार्फत नम्बर छानेका थिए ।

रौतहट, बारा लगायत तराई जिल्लाबाट ल्याएर नगरले पाडी वितरण गरेको हो । पनौती नगरपालिकाका प्रमुख भीम न्यौपानेले तीन सय पशुपालक कृषकलाई पाडी वितरण गर्ने बताउनुभयो । पनौतीलाई भैंसी स्रोत केन्द्रका रुपमा विकास गर्ने हाम्रो लक्ष्य रहेको छ । नगर प्रमुख न्यौपानेले भन्नुभयो, पहिलो चरणमा दलित, जनजाती, लोपन्मुख समुदाय र एकल महिलालाई प्राथमिकता दिएका छौँ ।

पनौती नगरपालिकाले नीति तथा कार्यक्रम मै उन्तत जातका पाडी तीन सय पशुपालक किसानलाई बाँड्ने घोषणा गरेको थियो । भैंसीलाई सुत्केरी भत्ता दिदैँ आएको नगरले यस बर्षबाट थप पाडी वितरण गर्न थालेको नगरप्रमुख न्यौपानेले बताउनुभयो ।

पनौती नगरपालिका कृषि तथा पशुपन्क्षी शाखाका संयोजक एवम् वडा न १ का वडा अध्यक्ष गुणनिधी सापकोटाले नगरपालिकाबाट ९० लाख र किसानबाट १५ लाख रुपियाँ सहित एक करोड पाँच लाखमा तीन सय पाडी वितरण गर्न लागेको बताउनुभयो । उहाँले नगरपालिकाले खुराक, औषधि र बीमा निःशुल्क गर्ने बताउनुभयो ।

पनौती नगरपालिका कृषि तथा पशुपन्क्षी शाखाका प्रमुख एवम् पशुचिकित्सक मणिप्रसाद सापकोटाले वडा न १२ मा सबै भन्दा बढी ५० वटा पाडी वितरण गर्ने बताउनुभयो । त्यस्तै वडा न ४२, २ मा ३५, ३ मा ३० र वडा न ४, ५, ६, ८, ९, १० र ११ मा २०÷२० वटा र वडा न ७ मा ३ वटा पाडी वितरण गर्न लागेको बताउनुभयो ।

पनौती नगरपालिकाका प्रमुख प्रशासकीय अधिकृत एक हजार २८ जनाले पाडी माग गरेकोमा ३०० जनालाई पहिलो चरणमा दिएको बताउनुभयो । पनौती नगरपालिकाबाट भैंसी सुत्केरी भत्ता बापत ५६७ वटाले रकम पाएका छन । पहिलो पटक व्याहेका १३० वटाले पाँच हजार र ४३७ वटा भैंसीले दुई हजारका दरले रकम पाएका थिए । १५ लाख २० हजार भैंसी पालक कृषकले सुत्केरी भत्ता पाएको पशुचिकित्सक मणिप्रसाद सापकोटाले जानकारी दिनुभयो ।

नेपाल डेली पोस्ट

नेपाल डेली पोस्ट डट कम वेवसाइट एन टि बि मिडिया को आधिकारिक न्यूज पोर्टल हो। नेपाली भाषाको यो वेवसाइटले समाचार, मनोरञ्जन, अर्थ, खेलकुद, विश्व, बिज्ञान, प्रविधि, स्वास्थ्य, प्रवास, भिडियो तथा बिबिध समाचार समेट्ने गर्दछ।

Leave a Reply

Your email address will not be published. Required fields are marked *