‘सप्तरङ्ग २’को कन्सर्ट आज नारायणी किनारमा

चितवनको नारायणी नदी किनारामा आज ‘सप्तरङ्ग २’को कन्सर्ट हुने भएको छ । सातै प्रदेशमा सञ्चालन गरिने ‘सप्तरङ्ग २’को सुरुवात कात्तिक २० गते झापाको विर्तामोडबाट सुरु भएको थियो । सातै प्रदेशमा सञ्चालन हुने ‘सप्तरङ्ग २’को कन्सर्ट आईतबार (आज) नारायणी किनारमा हुन लागेको हो । नारायणी नदी किनारामा हुने कन्सर्टको लागि अभिनेता राजेश हमाल, गायक सुगम पोखरेल, हास्यकलाकार जीतु नेपाल, गायिका मेलिना राई, हिमाल सागर, प्रकाश सपुत र रवि ओड आउदै छन् । मुलुकको सातै प्रदेशमा पर्यटन प्रवर्धनका लागि कार्यक्रमको आयोजना गरिएको आयोजकले जानकारी दिएको छ । पहिलो सिजनमा सात प्रदेश बीचको सम्बन्ध नागरिकस्तरमा सुमधुर बनाउन प्रभावकारी भएकाले दोस्रो सिजनमा देशका सातै प्रदेशमा सांगितिक यात्राको माध्यमबाट पर्यटकीय स्थानको प्रवर्धन र सम्भावनाको खोजी गरिने प्रयास भएको आयोजकको दाबी छ ।

नेपाल सरकारको अभियान भिजिट नेपाल २०२०लाई लक्षित गर्दै सांगितिक यात्रा मार्फत कार्यक्रम अगाडि बढाईएको आयोजक संस्था गृष्मा ब्रोडकास्टिङका अध्यक्ष गृहेन्द्र घिमिरेले बताए । पर्यटन बर्ष २०२० लाई लक्षित कार्यक्रम भएकोले प्रबेश शुल्क निशुल्क गरिएको छ । झापाको विर्तामोडबाट सुरु भएको कार्यक्रम चितवन हुँदै २६ गते नेपालगंज , २८ गते सुर्खेत , ३० गते महेन्द्रनगर र ४ गते पोखरामा पुगेर सकिने बताइएको छ । केदार आचार्य

नेपाल डेली पोस्ट

नेपाल डेली पोस्ट डट कम वेवसाइट एन टि बि मिडिया को आधिकारिक न्यूज पोर्टल हो। नेपाली भाषाको यो वेवसाइटले समाचार, मनोरञ्जन, अर्थ, खेलकुद, विश्व, बिज्ञान, प्रविधि, स्वास्थ्य, प्रवास, भिडियो तथा बिबिध समाचार समेट्ने गर्दछ।

Leave a Reply

Your email address will not be published. Required fields are marked *