कुरिलो : क्यान्सर लाग्नबाट बचाउने र अरु के के छन् फाइदाहरु ?

एजेन्सी, काठमाडौं। हाम्रो भान्सामा उपलब्ध हुने अधिकांश सागसब्जीमा औषधीय गुण रहेका हुन्छन् । तर, तिनको प्रयोग कसरी गरिन्छ भन्नेले फाइदा र बेफाइदा गर्छ ।

हरियो सागशब्जीमा आफैँमा फाइदाजनक हो । अझ कुरिलोमा त झनै स्वास्थ्यका लागि फाइदै फाइदा हुन्छ । सुप वा तरकारी बनाएर खान मिल्ने कुरिलोमा प्रशस्त मात्रामा भिटामिन, प्रोटिन, फाइबर तथा क्याल्सियमसहित विभिन्न पौष्टिक तत्व पाइने भएकाले स्वास्थ्यका लागि निकै लाभदायिक मानिन्छ ।

कुरिलोको तरकारी वा सुप बनाएर खाँदा शरीर दुखेका, शारीरिक दुर्बलता हटाउन र महिलाहरुमा हुने महिनावारी गडबडीलाई निको पार्न सहयोग गर्छ ।सुत्केरी महिलाहरूमा दूध नआउने समस्या हटाउन पनि कुरिलो खान सकिन्छ भने यसको जरा सुकाएर धूलो पारेर दूध तथा मनतातो पानीमा मिलाएर खाने गर्नाले पुरुषहरूको वीर्य बढाउन पनि मद्दत गर्छ ।

कसैलाई पिसाब पोल्ने समस्यामा भएमा कुरिलो खाएमा ठिक हुन्छ । कुरिलोको नियमित सेवनले क्यान्सर हुनबाट बचाउनुको साथै पाचन प्रणालीमा सुधार, पेटको ट्युमर, घाँटीमा हुने संक्रमणलगायत रोग निको पार्ने काम पनि गर्छ ।

नेपाल डेली पोस्ट

नेपाल डेली पोस्ट डट कम वेवसाइट एन टि बि मिडिया को आधिकारिक न्यूज पोर्टल हो। नेपाली भाषाको यो वेवसाइटले समाचार, मनोरञ्जन, अर्थ, खेलकुद, विश्व, बिज्ञान, प्रविधि, स्वास्थ्य, प्रवास, भिडियो तथा बिबिध समाचार समेट्ने गर्दछ।

Leave a Reply

Your email address will not be published. Required fields are marked *