नेपाल क्रिकेट संघमा २९ जनाकाे उम्मेदवारी : ६ जना निर्विराेध, बाँकीका लागि मतदान हुँदै

एजेन्सी, काठमाडौं। नेपाल क्रिकेट संघ (क्यान) पदाधिकारीका लागि निर्वाचन आज सुरु भएकाे छ । १७ सदस्यीय क्यान नेतृत्वका लागि २९ जनाकाे उम्मेद्वारी दर्ता भएकाे छ ।

क्यानकाे अध्यक्ष पदका लागि २ जनाले उम्मेदवारी दर्ता गराएका छन् । जसमा विनयराज पाण्डे र चतुर बहादुर चन्द आआफ्नाे प्यानलसहित चुनावी मैदानमा उत्रिएका हुन् ।

क्यानकाे उपाध्यक्ष पदमा राजुबाबु श्रेष्ठ र मिङ्मा डान्डु शेर्पाले उम्मेदवारी दिएका छन् । साथै महासचिवमा अशोकनाथ प्याकुरेल र विनोद मैनाली, कोषाध्यक्षमा रोशनकुमार सिंह र उपेन्द्र भट्टराईले उम्मेदवारी दर्ता गराएका छन् ।

६ जना पदाधिकारी भने निर्विरोध निर्वाचित भएका छन् । यसरी निर्विराेध हुनेमा प्रदेश- २ बाट दाउद अन्सारी मोहम्मद, गण्डकी प्रदेशबाट ऋषिराम गौतम, प्रदेश ५ बाट प्रशान्त विक्रम मल्ल र कर्णाली प्रदेशबाट पदमबहादुर खड्का तथा सुदूरपश्चिम प्रदेशबाट भने विक्रम विष्ट रहेका छन् । उनीहरु सबै एक मात्र उम्मेदवारी भएकाले निर्विराेध चयन भएका हुन् । यसैगरी महिला सदस्यमा पनि एक जनाको मात्र उम्मेदवारी परेकाले जयन्ती भट्ट निर्विरोध भएकी चयन भएकी हुन् ।

प्रदेश १ काे सदस्यमा भने लाक्पा लामा र कैलाश विष्ट तथा प्रदेश ३ सदस्यमा अमितवीर पाण्डे र कैलाश प्रधानको उम्मेद्वारी परेको छ ।

खुला सदस्यमा ११ जनाले उम्मेदवारी दिएका छन् । जसमा अर्जुन पौडेल, वीरेन्द्र बहादुर चन्द, धिरेन्द्र साउद, दुर्गाराज पाठक,जगत बहादुर टमटा, करन महोत्रा छेत्री, माधव कुमार कर्माचार्य, नरेश राणा, पवन कुमार अग्रवाल, प्रफुल्ल बैद्य र संजय राज सिंह रहेका छन् ।

काठमाडौंमा अवस्थित म्यारिएट होटलमा दिउँसो १ बजे सुरु भएकाे मतदान ५९ जनाले मतदान गर्दैछन् । निर्वाचनको नतिजा घोषणा ३:४५ देखि ४ बजेसम्म गरिने कार्य तालिका क्यानले सार्वजनिक गरेकाे छ ।

नेपाल डेली पोस्ट

नेपाल डेली पोस्ट डट कम वेवसाइट एन टि बि मिडिया को आधिकारिक न्यूज पोर्टल हो। नेपाली भाषाको यो वेवसाइटले समाचार, मनोरञ्जन, अर्थ, खेलकुद, विश्व, बिज्ञान, प्रविधि, स्वास्थ्य, प्रवास, भिडियो तथा बिबिध समाचार समेट्ने गर्दछ।

Leave a Reply

Your email address will not be published. Required fields are marked *