ओखलढुंगामा पनि डेंगु देखिन सक्ने भन्दै सतर्क रहन आग्रह

एजेन्सी, ओखलढुंगा। मुलुकभर महामारीको रुपमा फैलिएको डेंगु रोग ओखलढुंगा पनि भित्रनसक्ने भन्दै सतर्क रहन आग्रह गरिएको छ । जिल्ला जनस्वास्थय कार्यलय ओखलढुंगाले यातयातको सहज पहुँचसँगै डेंगु भित्रन सक्ने भन्दै सतर्क रहन आग्रह गरेको हो ।

एक नगरपालिका सहित आठ स्थानीय तह रहेको जिल्लामा सबै पालिकाहरुसँग समन्वय गरी अगाडि बढ्ने जिल्ला जनस्वास्थ्य निरीक्षक तथा सूचना अधिकारी गौरीशंकर देवले बताए । स्थानीय तहका स्वस्थ्य संयोजकहरुलाई डेंगुको संक्रमणबाट बच्ने उपायका बारेमा स्थानीय स्तरमै गएर जनचेतना जगाउन आग्रह गरिएको छ । स्वास्थ्य संयोजकहरुलाई बिद्यालय स्तरका बालबालिका तथा अभिभावकहरुलाई चेतना फैलाउन आग्रह गरिएको भएतापनि सुरु गरिएको छैन ।

स्वास्थ्य संयोजकहरुले बजेटको अभाव कारण जनचेतनाको कार्यक्रम गर्न नसकिएको बताउने गरेका छन् । तर डेंगु रोग सडकमार्गको सझज पहुँचसँगै अन्तरजिल्ला स्तरिय आवतजावतको माध्यमबाट सहझै भित्रन सक्ने देखिएको छ ।

डेंगु रोग लाग्दा एक्कासि उच्च ज्वरो आउने र उक्त ज्वरो ५ देखि ७ दिनसम्म रहने गर्दछ । साथै धेरै टाउको दुख्ने, आँखाको गेडी तथा आँखाको पछिल्लो भाग दुख्ने, ढाड, जोर्नी तथा मांसापेशीहरू दुख्ने र शरीरमा विमिरा आउने गर्दछ । त्यस्तै डेंगुकै कारण वाकवाकी लाग्ने, पेट दुख्ने, नाक वा गिजाबाट रगत बग्ने तथा बेहोश हुने जस्ता लक्षणहरु देखा पर्ने स्वास्थ्यकर्मीहरुले बताएका छन् ।

यसबाट बच्नका लागि लामखुट्टेको टोकाइबाट बच्नुपर्ने जिल्ला जनस्वास्थ्य निरीक्षक तथा सूचना अधिकारी गौरीशंकर देवले बताए । उनका अनुसार पानी जम्ने खाल्डाखुल्डीहरु गमला, फुलदानी, खाली बट्टा, खाली ड्रमहरू वा गाडीका काम नलाग्ने टायरहरू जस्ता स्थानमा पानी जम्न दिनुहुन्न ।

त्यस्तै पानीको ट्याङ्कीलाई लामखुट्टे प्रवेश गर्न नदिने गरी छोपेर राख्ने, फूलदानीमा रहेको पानी हप्तामा दुई पटक फेर्ने गर्नुपर्दछ । त्यस्तै यस लामखुट्टेले दिउँसोको समयमा टोक्ने भएकाले दिउँसो बस्दा शरीर ढाकिने लुगा लगाउनुपर्ने देवको भनाइ छ ।

सम्भव भएसम्म दिउँसो सुत्दा पनि अभिवार्य झुलको प्रयोग गर्नुपर्ने र साना केटाकेटीलाई जुनसुकै समयमा पनि झुल भित्र सुताउनु पर्ने उनले बताए । त्यस्तै घर वरिपरि सफा सुग्घर राख्ने, पानी जम्ने खाल्टाखुल्टी पुर्नुपर्ने बताइएको छ । यसअघि ओखलढुंगा जिल्लामा कालाजार भने देखिसकेको छ ।

गत आर्थिक बर्षमा २ जनामा कालाजारका बिरामी फेला परेको जिल्ला जनस्वास्थ्य कार्यलयले जाएको छ । बिषेशगरी जिल्लाको मनेभज्याङ र सुनकोशी गाउँपालिका कालाजारको बढी जोखिमयुक्त क्षेत्र रहेको बताइएको छ ।

– रामहरि श्रेष्ठ

नेपाल डेली पोस्ट

नेपाल डेली पोस्ट डट कम वेवसाइट एन टि बि मिडिया को आधिकारिक न्यूज पोर्टल हो। नेपाली भाषाको यो वेवसाइटले समाचार, मनोरञ्जन, अर्थ, खेलकुद, विश्व, बिज्ञान, प्रविधि, स्वास्थ्य, प्रवास, भिडियो तथा बिबिध समाचार समेट्ने गर्दछ।

Leave a Reply

Your email address will not be published. Required fields are marked *